ویب ڈیسک: صوبائی دارالحکومت پشاور میں پولیس نے سوشل میڈیا پر پولیس یونیفارم میں ویڈیوز بنانے والے ٹک ٹاکر کو گرفتار کر لیا۔
پولیس ذرائع کا اس حوالے سے کہناہے کہ ملزم خود کو پولیس اہلکار ظاہر کرکے پولیس یونیفارم میں ویڈیوز بناتا تھا اور پھر انہیں ٹک ٹاک پر اپ لوڈ کرتا تھا۔
ذرائع کے مطابق ملزم نے پولیس کی حراست میں اپنی حرکت پر پشیمانی کا اظہار کرتے ہوئے کہا ہے کہ آئندہ اس قسم کی ویڈیوز بنانے سے دریغ کروں گا۔ یاد رہے کہ ملزم نے دیگر ٹک ٹاکرز کو بھی اس حوالے سے پیغام بھیجا ہے کہ وہ پولیس یونیفارم میں ویڈیوز نہ قطعی بنائیں۔
پولیس نے ملزم کیخلاف مقدمہ درج کرکے قبضے سے پولیس وردی اور موبائل فون برآمد کر لیا۔
