ویب ڈیسک: غزہ میں فلسطینیوں پر اسرائیلی مظالم کی حمایت کرنے پر امریکی صدر جو بائیڈن کی صدارت خطرے میں پڑ گئی۔ نئے سروے کے مطابق صیہونیوں کی حمایت کرنے پر آئندہ صدارتی انتخابات میں ایک بار پھر جیت کے خواہاں امریکی صدر کی مقبولیت کا گراف گر گیا ہے۔
رپورٹ کے مطابق غزہ پر مسلط جنگ پر بائیڈن کے طرزِ عمل کو 70 فی صد ووٹروں نے مسترد کر دیا جبکہ ڈیموکریٹک پارٹی کے ووٹروں میں بھی صدر بائیڈن کی مقبولیت میں 40 فی صد کمی آئی ہے۔
صیہونیوں کی حمایت کرنے پرسروے کیا گیا جس کے نتائج کے اعداد و شمار کے مطابق جو بائیڈن کی مقبولیت ان کے عہدِ صدارت کی کم ترین سطح پر آ گئی ہے۔
امریکی میڈیا کے سروے میں 18 سے 34 سال کے افراد نے حصہ لیا، امریکیوں کی اکثریت نے اسرائیلی حملوں کو حد سے متجاوز قرار دیا۔
