ویب ڈیسک: مالدیپ کے صدر محمد معیزو نے بھارت سے باضابطہ طور پر اپنے ملک سے بھارتی فوجی اہلکاروں کو واپس بلانے کی درخواست کردی۔ رپورٹس کے مطابق محمد معیزو نے کہا ہے کہ اُن کی حکومت ملک کے سٹریٹیجک اہمیت والے علاقے سے بھارتی فوج کو واپس بھیجنے کے عزم کا اعادہ کرتی ہے۔
مالدیپ کے صدر کے دفتر نے ایک مختصر بیان میں کہا ہے کہ صدر نے رسمی طور پر یہ درخواست اُس وقت کی جب انہوں نے بھارتی مرکزی وزیر کرن رجیجو سے ایوان صدر میں ملاقات کی۔
خیال رہے کہ مالدیپ میں بھارتی افواج کے 75 اہلکار تعینات ہیں جو جہاز اڑانے اور سرویلنس سمیت دیگر امور کیلئے موجود ہیں۔ 17 نومبر کو حلف برداری کے بعد قوم سے پہلے خطاب میں مالدیپ کے صدر محمد معیزو نے کہا تھا کہ انتخابی مہم میں کیے گئے تمام وعدے پورے کریں گے۔
واضح رہے کہ محمد معیزو نے اپنی انتخابی مہم کے دوران اعلان کیا تھا کہ اقتدار میں آکر ملک سے بھارتی فوج کوبے دخل کریں گے۔
