ویب ڈیسک: یمنی فوج کے ترجمان جنرل یحییٰ نے کہا ہے کہ اسرائیل کے ہر جہاز کو میزائلوں سے نشانہ بنایا جائے گا۔ اسرائیل کے جہاز کو قبضے میں لینے کی ویڈیو وائرل ہو رہی ہے۔
تفصیلات کے مطابق یمن نے اسرائیلی جہاز کو قبضے میں لینے کی ویڈیو جاری کردی۔ یمنی فضائیہ کی جانب سے جاری ویڈیو میں دیکھا جا سکتا ہے کہ یمنی فضائیہ کے ہیلی کاپٹر میں سوار اہلکار بحیرہ احمر میں چلتے جہاز پر لینڈ کرتے ہیں اور جہاز کے عملے کو قابو میں لے لیتے ہیں۔
اس حوالے سے مزید بتایا گیا کہ جہاز کو یمنی ساحل کی جانب لے جایا گیا جہاں اب یہ جہاز لنگر انداز کردیا گیا ہے۔ یمنی فوج کے ترجمان جنرل یحییٰ نے کہا ہے کہ اسرائیل کے ہر جہاز کو یمنی میزائلوں سے نشانہ بنایا جائے گا۔
