آئی ایم ایف

پی ٹی آئی کا کوئی خط موصول نہیں ہوا، آئی ایم ایف

ویب ڈیسک: عالمی مالیاتی فنڈز نے پاکستان تحریک انصاف کی جانب سے کوئی بھی خط تاحال موصول نہ ہونے کی تصدیق کردی۔
خبررساں ادارے رائٹرز کے مطابق پاکستان تحریک انصاف کے دو رہنماؤں نے عمران خان کی جانب سے آئی ایم ایف کو خط لکھنے کی تصدیق کیتھی
پی ٹی آئی کے ذرائع نے عالمی خبررساں ادارے کو بتایا کہ خط میں ملک کے بالخصوص سیاسی مسائل کو اجاگر کیا گیا ہے۔
خط میں بین الاقوامی مالیاتی فنڈ سے مطالبہ کیا گیاہے کہ وہ کسی بھی مزید بیل آو¿ٹ بات چیت میں ملک کے سیاسی استحکام کو اہمیت دے اور کردار ادا کرے۔ اس خط میں پی ٹی آئی نے انتخابات کا حوالہ دے کر اپنی پوزیشن بھی بیان کی ہے۔
پاکستان تحریک انصاف کے ذرائع نے یہ بھی بتایا کہ خط کے حوالے سے مزید تفصیلات جلد منظر عام پر لائی جائیں گی۔
ادھر آئی ایم ایف نے پاکستان تحریک انصاف کی جانب سے تاحال کوئی خط موصول نہ ہونے کی تصدیق کی ہے۔

مزید پڑھیں:  سپریم کورٹ کے فیصلے پر عملدرآمد کیلئے الیکشن کمیشن کا اجلاس طلب