ایچ آئی وی

سندھ میں ہر ماہ ایچ آئی وی کے 260نئے کیسز کا انکشاف

ویب ڈیسک: سندھ میں رواں سال ہر ماہ ایچ آئی وی کے اوسطاً 260نئے کیسز سامنے آنے انکشاف ہوا ہے ۔
حکام کے مطابق رواں سال جنوری سے مئی تک ایچ آئی وی کے 1300سے زائد کیسز سامنے آچکے ہیں، ایچ آئی وی کے نئے کیسز میں بچوں کی تعداد 10 سے 15 فیصد ہوتی ہے۔
حکام نے بتایا کہ ایچ آئی وی کے زیادہ کیسز لاڑکانہ، حیدرآباد، میرپورخاص اور کراچی سے رپورٹ ہوئے۔
حکام کے مطابق سندھ میں جنوری میں ایچ آئی وی کے 257 اور فروری میں 256 کیس سامنے آئے جبکہ سندھ میں مارچ کے مہینے میں 258 اور اپریل میں 239 ایچ آئی وی کے نئے کیسز رپورٹ ہوئے۔
حکام کے مطابق اس سال مئی کے مہینے میں ایچ آئی وی کے 293 نئے کیس سامنے آئے اور میرپور خاص میں جنوری سے جون تک 27 بچے ایچ آئی وی میں مبتلاہوئے۔

مزید پڑھیں:  بنگلہ دیش میں پاکستانی ہائی کمیشن کا طلبہ کو احتجاج سے دور رہنے کا مشورہ