ویب ڈیسک: مسلح افواج نے یوم شہدائے پولیس پر پولیس شہداء کو خراج تحسین پیش کرتے ہوئے کہا ہے کہ جوانوں کی قربانیوں کو ہمیشہ یاد رکھا جائے گا ۔
یوم شہدائے پولیس کے موقع پر آئی ایس پی آر کے جاری بیان میں مسلح افواج کی جانب سے یوم شہدائے پولیس کے موقع پر پولیس کے شہدا کو خراج عقیدت پیش کیا گیا۔
پاک فوج کے شعبہ تعلقات عامہ کے مطابق مسلح افواج فرائض کی انجام دہی کے دوران جان کا نذرانہ دینے والے پولیس شہدا کو خراج عقیدت پیش کرتی ہیں۔
پولیس شہدا کے غیرمتزلزل عزم، انتھک حوصلے اور بے لوث قربانیوں کو ہمیشہ یاد رکھا جائے گا۔
آئی ایس پی آر کے مطابق مسلح افواج کے افسران اور جوان اپنے خون پسینے سے قوم کا تحفظ کرنے والے ہیروز کو سلام پیش کرتے ہیں۔
