ویب ڈیسک: فرانس کے دارالحکومت میں جاری پیرس اولمپکس 2024 مِیں فرانس اور سپین فٹبال ٹیمیں فائنل میں پہنچ گئیں۔
ذرائع کے مطابق فرانس اور سپین فٹبال ٹیمیں پیرس اولمپکس گیمز میں مردوں کے فٹبال فائنل میں پہنچ گئیں۔
میزبان فرانس کی ٹیم نے سیمی فائنل میچ میں مصر کی ٹیم کو شکست دی جبکہ سپین کی ٹیم نے سیمی فائنل میچ میں مراکش کو مات دے کر فائنل کےلئے کوالیفائی کیا۔
سیمی فائنلز کھیلے جانے کے بعد مینز فٹ بال ایونٹ کی دو فائنلسٹ ٹیموں کی نشاندہی ہوگئی ہے اور فرانس اور سپین کی فٹ بال ٹیموں کے درمیان طلائی تمغے کے لئے میچ 9اگست کو کھیلا جائے گا۔
پیرس اولمپکس کے انتہائی دلچسپ اور کانٹے دار مقابلے پیرس میں جاری ہیں جس میں شائقین کو شاندار مقابلے دیکھنے کو مل رہے ہیں۔
سٹیڈ ڈی مارسیلی، مارسیلی میں کھیلے گئے مینز فٹ بال ایونٹ کے پہلے سیمی فائنل میچ میں سپین اور مراکش کی ٹیمیں آمنے سامنے تھیں جس میں سپین کی ٹیم نے سخت مقابلے کے بعد مراکش کی ٹیم کو ایک کے مقابلے میں 2 گول سے شکست دے کر فائنل کے لئے کوالیفائی کیا۔
سٹیڈ ڈی لیون، ڈیسینس ،چارپیو کے مقام پر کھیلے گئے دوسرے سیمی فائنل میچ میں میزبان فرانس کی مینز فٹ بال ٹیم نے شاندار کھیل پیش کرتے ہوئے مصر کی ٹیم کو ایک کے مقابلے میں 3 گول سے ہرا کر فائنل کے لئے کوالیفائی کیا۔
یادرہے کہ سپین اور فرانس کی ٹیموں کے درمیان طلائی تمغے کے لئے میچ 9 اگست کو کھیلا جائے گا۔
دوسری جانب پیرس اولمپکس 2024میں مردوں کے فٹ بال ایونٹ میں کانسی کے تمغے کے لئے میچ 8 اگست کو سٹیڈ ڈی لا بیوجوئر، نانٹیس کے مقام پر کھیلا جائے گا۔
اس مقابلہ میں مصر اور مراکش کی ٹیمیں پنجہ آزمائی کریں گی۔اس سے قبل مینز فٹ بال ایونٹ کے پہلے سیمی فائنل میچ میں سپین کی ٹیم نے مراکش کو شکست دے کر فائنل کے لئے کوالیفائی کیا تھا جبکہ دوسرے سیمی فائنل میچ میں میزبان فرانس نے مصر کو ہرا کر فائنل کے لئے کوالیفائی کیا تھا۔
پیرس اولمپکس گیمز میں شائقین کو انتہائی دلچسپ اور کانٹے دار مقابلے دیکھنے کو مل رہے ہیں۔
مینز فٹ بال ایونٹ میں مصر اور مراکش کی ٹیموں کے درمیان کانسی کے تمغے کے لئے میچ 8 اگست کو نانٹیس میں کھیلا جائے گا۔
یاد رہے کہ پیرس اولمپکس 2024 میں فرانس اور سپین فٹبال ٹیمیں فائنل کا ٹکٹ کٹا چکی ہیں.
