ویب ڈیسک: شمالی وزیرستان کے علاقے رزمک میں سیکورٹی فورسز کا آپریشن، 3 خوارج ہلاک کر دیئے گئے۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں سیکیورٹی فورسز نے آپریشن کیا، آپریشن دہشت گردوں کی موجودگی کی اطلاع پر کیا گیا۔
آئی ایس پی آر کے مطابق کارروائیوں کے دوران سیکیورٹی فورسز اور خوارج کے درمیان شدید فائرنگ کا تبادلہ ہوا، فائرنگ کے اس تبادلے کے دوران 3 خوارج ہلاک جبکہ ایک کو زخمی حالت میں گرفتار کرلیا گیا۔
ہلاک خوارج دہشتگردی کی کارروائیوں اور معصوم شہریوں کی ٹارگٹ کلنگ میں ملوث تھے۔
پاک فوج کے شعبہ تعلقات عامہ آئی ایس پی آر کا کہنا ہے کہ علاقے میں پائے جانے والے دیگر خوارج دہشتگردوں کے خاتمے کیلئے کلیئرنس آپریشن جاری ہے۔
آئی ایس پی آر کے مطابق سیکیورٹی فورسز ملک سے دہشتگردی کی لعنت کو جڑ سے خاتمے کے لیے پُرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
یاد رہے کہ شمالی وزیرستان کے علاقے رزمک میں سیکورٹی فورسز کا آپریشن، دہشت گردوں کی موجودگی کی اطلاع پر ہونے والے آپریشن کے دوران 3 خوارج ہلاک کر دیئے گئے جبکہ ایک کو زخمی حالت میںگرفتار کر لیا گیا.
