7598b3ad 21ce 4430 9122 bc6ee4890bc9

ضلعی انتظامیہ پشاور کا محکمہ صحت کے ہمراہ پیپل منڈی میں جعلی ادویات کے خلاف کریک ڈاون

پشاور: ضلعی انتظامیہ پشاور نے محکمہ صحت کے ہمراہ پیپل منڈی میں کارروائی کرتے ہوئے جعلی ادویات کی بھاری کھیپ برآمد کر لی۔ تفصیلات کے مطابق ڈپٹی کمشنر پشاور کو اطلاع موصول ہوئی تھی کہ پیپل منڈی سے بھاری تعداد میں جعلی ڈیٹول مارکیٹ میں سپلائی کی جا رہی ہے جس پر انھوں نے فوری کارروائی کرنے کی  ہدایت کی،

مزید پڑھیں:  ملک کے 21اضلاع کے ماحولیاتی نمونوں میں پولیو وائرس کی تصدیق

اس حوالے سے اسسٹنٹ کمشنر سٹی  نے محکمہ صحت کے چیف ڈرگ انسپکٹر کے ہمراہ پیپل منڈی میں کارروائی کر تے ہوئے ہزاروں کی تعداد میں جعلی ڈیٹول کی بھری بوتلیں برآمدکرتے ہوئے سات دکانوں و گوداموں کو سیل کرتے ہوئے پانچ افراد کو گرفتار کر لیا، یہ افراد جعلی ڈیٹول کو مارکیٹ میں سپلائی کرنے کی کوشش کر رہے تھے،

مزید پڑھیں:  بنوں میں پولیس چوکی پر دہشت گردوں کا حملہ،2اہلکار شہید

موقع سے ہزاروں کی تعداد میں ممنوعہ غیر ملکی ادویات اور جعلی ادویات کی بھاری کھیپ بھی برآمد کر لی گئی، ڈپٹی کمشنر  کے مطابق گرفتار افراد کے خلاف قانونی کارروائی عمل میں لائی جائے گی۔جبکہ ان افراد سے تفتیش کے بعد مزید کاروائی عمل میں لائی جائے گی۔