ویب ڈیسک: ابوظہبی ایچ ایس بی سی اوپن گالف ٹورنامنٹ 7 نومبر سے شروع ہوگا، گالف ٹورنامنٹ کا 19 واں ایڈیشن 7 نومبر سے متحدہ عرب امارات میں رنگ جمائے گا، یورپین ٹور گالف کے زیر اہتمام ہونے والے ٹورنامنٹ کے کامیاب انعقاد کے لئے تیاریاں عروج پر ہیں۔
ابوظہبی ایچ ایس بی سی اوپن گالف ٹورنامنٹ 72 ہولز پر کھیلا جائے گا، ٹورنامنٹ میں دنیائے گالف کے نامور کھلاڑی جلوہ گر ہوں گے۔ ایونٹ میں فرانسیسی گالفر وکٹر پیریز اپنے اعزاز کا دفاع کریں گے۔
ٹورنامنٹ کے لئے 90 لاکھ امریکی ڈالر کی انعامی رقم مختص کی گئی ہے، 7 نومبر سے شروع ہونے والا یہ ٹورنامنٹ 4 روز تک جاری رہنے کے بعد 10نومبر کو اختتام پذیر ہو گا۔
یاد رہے کہ گالف ایونٹ ایک یورپی ٹور گالف ٹورنامنٹ ہے، جو ابوظہبی، متحدہ عرب امارات میں ہر سال منعقد ہوتا ہے، ابوظہبی یورپی ٹور گالف ٹورنامنٹ پہلی مرتبہ 2006ء میں کھیلا گیا تھا جس کی ونر ٹرافی امریکی گالفر کرسچن ڈین ڈی مارکو نے اپنے نام کی تھی۔
