ویب ڈیسک: پاکستان مسلم لیگ ن کے صدر اور سابق وزیراعظم میاں نواز شریف امریکہ میں چیک اپ کے بعد واپس لندن پہنچ گئے ہیں ۔
لندن کے ہیتھرو ایئرپورٹ پہنچنے پر لیگی کارکنوں اور عہدیداروں کی جانب سے اپنے قائد کا والہانہ استقبال کیاگیا۔
ایون فیلڈ ہائوس کے باہر صحافیوں سے مختصر گفتگو کرتے ہوئے میاں نواز شریف کاکہنا تھا کہ پی آئی اے کے پراجیکٹ پر کام کرنے کا ارادہ ہے، اللہ کرے پی آئی اے کے بارے میں جو کہا وہ ہو جائے۔
انہوں نے کہا کہ شہباز شریف دن رات کام کر رہے ہیں، پاکستان میں حالات بہتری کی جانب گامزن ہیں اور مہنگائی کم ہو رہی ہے۔
سابق وزیراعظم کا مزید کہنا تھا کہ پنجاب میں مریم نواز بھی بہت اچھا کام کر رہی ہیں، ہمیشہ سے یہی کوشش رہی ہے کہ پاکستان میں غریب آدمی کی زندگی آسان ہو۔
