ویب ڈیسک: ریگی ماڈل ٹائون میں آوارہ کتوں نے رات گئے قیمتی پرندوں کو چبا ڈالا۔
تفصیلات کے مطابق ریگی ماڈل ٹائون میں چوکیداروں کے پالے ہوئے آوارہ کتوں نے رات گئے قیمتی پرندوں کے پنجروں میں گھس کر ان کا شکار کیا۔ یہ پرندے سرکاری تھے، اور ان پر لاکھوں روپے خرچ کیے گئے تھے، پی ڈی اے نے واقعہ کی چھان بین شروع کردی ہے۔
ریگی للمہ پارک میں پنجرے میں بند درجنوں قیمتی جنگی حیات کتوں کا شکار بن گئے، ذرائع پی ڈی اے کا کہنا تھا کہ رات کی تاریکی میں گیدڑ سوراخ کے ذریعے پنجرے میں داخل ہوا، انہوں نے حملہ کرنے والوں کو گیدڑ قرار دیدیا۔
پی ڈی اے ذرائع نے بتایا کہ گیدڑ نے قیمتی مور، تیتر، مرغی زریں اور دیگر پرندوں سمیت خرگوش کو بحی مار ڈالا۔ قیمتی پرندوں کی بڑی حد تک شکار کے بعد انتظامیہ کو حالات کا اندازہ ہوا۔
پی ڈی اے ذرائع نے بتایا کہ انتظامیہ کے پاس ایک بندوق ہے لیکن پولیس کی جانب سے استعمال کرنے کی اجازت نہیں۔
