ویب ڈیسک: بنوں میں پولیس نے بڑی تباہی کا منصوبہ ناکام بناتے ہوئے 300کلوبارودی مواد سے بھری گاڑی پکڑ لی، ڈرائیور فرار ہونے کامیاب ہوگیا۔
پولیس کے مطابق بکاخیل میں مشکوک گاڑی کی موجودگی کی اطلاع پر پولیس پہنچی تو ایک شخص گاڑی سے نکل کر بھاگ گیا، پولیس نے بھاگنے والے پر فائرنگ کی لیکن وہ فرار ہونے میں کامیاب ہو گیا۔
گاڑی سے پلاسٹک کے 2ڈرم برآمد ہوئے جن میں بارودی مواد نصب کیا گیا تھا، جس پر بم ڈسپوزل اسکواڈ کو طلب کیا گیا جس نے دونوں بارود سے بھرے ڈرموں کو ناکارہ بنا دیا۔
پولیس کے مطابق ڈرموں میں 300کلو بارودی مواد نصب تھا جو اگر پھٹ جاتا تو بڑے پیمانے پر تباہی پھیل سکتی تھی۔
