ویب ڈیسک: امریکی صدارتی امیدوار ڈونلڈ ٹرمپ کا کہنا ہے کہ اب تک الیکشن منصفانہ ہورہا ہے اگر ہار گیا تو شکست تسلیم کروں گا ۔
فلوریڈا میں ووٹ ڈالنے کے بعد ریبپلکن پارٹی کے امیدوار ڈونلڈ ٹرمپ نے میڈیا سے گفتگو کرتے ہوئے کہا کہ تینوں الیکشنزمیں ہماری حالیہ انتخاب کی مہم سب سے اچھی رہی خود کو بہت پراعتماد محسوس کررہا ہوں ہم اچھے جارہے ہیں۔
ٹرمپ کا مزید کہنا تھا کہ میرے خیال میں اب تک الیکشن منصفانہ ہے،ہار گیا تو تسلیم کرنے والا پہلا شخص ہوں گا۔
قبل ازیں ڈونلڈ ٹرمپ اپنی اہلیہ اور بچوں کے ساتھ ووٹ ڈالنے پہنچے۔
ٹرمپ نے پام بیچ کے علاقے میں ووٹ کاسٹ کیا،دوسری جانب ڈیموکریٹ صدارتی امیدوار کملا ہیرس بذریعہ ڈاک اپنا ووٹ پہلے ہی ڈال چکی ہیں۔
امریکا میں صدارتی امیدوار کو جیت کیلئے کم از کم 270 الیکٹورل ووٹ درکار ہوتے ہیں۔
