ویب ڈیسک: ضلع مالاکنڈ میں سی ٹی ڈی سے مقابلہ کرتے ہوئے 3 دہشت گرد ہلاک کر دیئے گئے۔ مالاکنڈ کی تحصیل تھانہ بائیزئی پلئی کے علاقے شاہ کوٹ خوگدرا میں سی ٹی ڈی کی جانب سے دہشت گردوں سے مقابلہ کرتے ہوئے تین دہشت گرد ہلاک کر دیے گئے۔
ذرائع کا کہنا ہے کہ تحصیل بٹ خیلہ میں سی ٹی ڈی اور فورسز نے اطلاع ملنے پر مشترکہ کارروائی کی۔ ہلاک ہونے والے دہشت گردوں میں کمانڈر عبداللہ، زکریا اور رضوان شامل ہیں، تاہم دہشت گردوں کے مکمل خاتمہ کیلئے آپریشن جاری ہے اور مزید نگرانی کی جا رہی ہے۔
