ویب ڈیسک: ننکانہ صاحب میں بابا گرونانک کے 555ویں جنم دن تقریبات آج دوسرے روز بھی جاری رہیں، اس دوران مذہبی رسومات کی ادائیگی کی گئِی۔ بابا گرو نانک کے جنم دن کی تقریبات 14 نومبر سے 16 نومبر تک جاری رہتی ہیں۔
بھارت، آسٹریلیا، کینیڈا، امریکہ، لندن سمیت دنیا بھر سے ہزاروں سکھ یاتری اس دن کی مناسبت سے اپنی مذہبی رسومات ادا کر رہے ہیں۔ سکھ یاتری اکھنڈ پاٹھ ، متھا ٹیکی ، اشنان اور شبد کیرتن کی رسومات کی ادائیگی کر رہے ہیں، آج نگر کیرتن کا جلوس گرودوارہ جنم استھان سے شروع ہو گا۔
بابا گرونانک کے 555ویں جنم دن تقریبات کے حوالے سے سکیورٹی کے سخت انتظامات کیے گئے ہیں اور چھتوں پر سنائپر جبکہ 3ہزار سے زائد پولیس اہلکار ڈیوٹی پر تعینات کیے گئے ہیں، انتظامیہ کی جانب سے ڈسٹرکٹ ننکانہ صاحب میں مکمل چھٹی کا اعلان کیا گیا ہے۔
جلوس کے اختتام پر رات مہمان سکھ یاتریوں کے لیے بہترین آتش بازی کا بھی اہتمام کیا گیا ہے، ننکانہ صاحب بابا گرو نانک کے جنم دن کی تقریبات 16 نومبر کو اختتام پذیر ہوں گی۔ یاد رہے کہ ننکانہ صاحب میں بابا گرو نانک کے 555ویں جنم دن تقریبات آج دوسرے روز بھی جاری رہیں،
