ویب ڈیسک: پشاور شہر اور گردونواح میں ہلکی ہوائوں کے ساتھ بارش کا سلسلہ شروع ہو گیا ہے جس سے موسم سرد ہو گیا، اور طویل خشکی کا زور ٹوٹ گیا۔
محکمہ موسمیات کی جانب صوبے کے مختلف علاقوں میں کل تک بارشوں کی پیشنگوئی کی گئی ہے۔ صوبہ کے مختلف اضلاع چترال، دیر، سوات، شانگلہ، بٹگرام، مانسہرہ، ایبٹ آباد، بونیر، مالاکنڈ اور باجوڑ میں بارش اور پہاڑوں پر برفباری کا امکان ہے۔
محکمہ موسمیات کا کہنا ہے کہ پشاور، مہمند، خیبر، صوابی، چارسدہ اور نوشہرہ میں گرج چمک کے ساتھ بارش کا بھی امکان ظاہر کیا گیا ہے۔ ہنگو، کرک، بنوں، لکی مروت، ٹانک اور ڈی آئی خان کے اضلاع میں بھی بارش متوقع ہے۔
یاد رہے کہ طویل خشک سالی کے بعد پشاور شہر اور گردونواح میں ہلکی ہوائوں کے ساتھ بارش کا سلسلہ شروع ہو گیا ہے۔
