ویب ڈیسک: گلگت سے سکردو جاتے ہوئے برفباری کے باعث پھنسے مسافر ریسکیو کر لئے گئے۔ گلگت بلتستان کی تحصیل گلتری کے مختلف دیہاتوں سے تعلق رکھنے والے 16 افراد گزشتہ روز دو گاڑیوں پر سکردو روانہ ہونے کے بعد دیوسائی کے میدان میں ڈھائی فٹ کی برف میں پھنس گئے تھے۔
مسافروں کے پھنسنے کی اطلاع ملتے ہی مسافروں کے ریسکیو کیلئے سکردو اور گلتری سے پاک فوج کے جوانوں کی ٹیم سمیت پولیس اور ریسکیو کے اہلکاروں کی ٹیمیں دیوسائی روانہ ہوئیں۔ ملٹری ٹیم اور ریسکیو اہلکاروں نے برفباری میں مسافروں کو کامیابی کے ساتھ ریسکیو کر لیا، پاک فوج کے دو ہیلی کاپٹرز نے بھی ریسکیو آپریشن میں حصہ لیا۔
بڑی لا کے مقام سے مسافروں کو ریسکیو کر کے ریسکیو ٹیموں نے بحفاظت واپس گلتری پہنچا دیا۔ پولیس حکام کے مطابق حکومت کی جانب سے دیوسائی کی گزرگاہوں پر گاڑی اور پیدل سفر پر پابندی عائد کی گئی ہے، اس کے باوجود لوگوں کا وہاں جانا خطرناک ہو سکتا ہے۔ یاد رہے کہ گلگت سے سکردو جاتے ہوئے برفباری کے باعث پھنسے مسافر ریسکیو کر لئے گئے۔
