ویب ڈیسک: صوبہ سندھ کے دارالحکومت کراچی کے ایکسپو سینٹر میں 4روزہ آئیڈیاز 2024 دفاعی نمائش کا باضابطہ افتتاح آج ہوگا، اس حوالے سے تمام تر تیاریاں مکمل کر لی گئی ہیں۔ نمائش کے ساتھ ساتھ کانفرنس کا انتظام بھی وزارت دفاع اور دفاعی پیداوار نے مشترکہ طور پر کیا ہے، 4روزہ آئیڈیاز 2024 میں پاکستان میں ہونے والے جدید ترین اور روایتی دفاعی ہتھیاروں کی نمائش کی جائے گی۔
اس دوران اسلحہ، ٹینک، جنگی طیاروں، ہیلی کاپٹرز اور بحری جہازوں، آبدوزوں، ڈرونز، میزائل، سائبر ڈیفنس، سیٹلائٹ اور الیکٹرانک وارفیئر سسٹمز کی بھی نمائش کی جائے گی۔4روزہ آئیڈیاز 2024 دفاعی نمائش اور کانفرنس میں ایشیا، مشرق وسطیٰ اور جنوب مغربی ایشیا کے اہم ممالک کی جانب سے شریک کا امکان ہے، ان ممالک کے علاوہ سعودی عرب، متحدہ عرب امارات، قطر، بحرین، ترکیہ، ایران، یمن، چین، جاپان، ملائیشیا سمیت دیگر ممالک بھی شرکت کریں گے۔
ماہرین کا کہنا ہے کہ خصوصی سرمایہ کاری سہولت کونسل دفاعی صنعت کو عالمی سطح پر مستحکم بنانے اور قومی سلامتی یقینی بنانے میں پیش پیش ہے، نمائش کا مقصد غیر ملکی وفود، حکومتی عہدیداروں اور نمائش کنندگان کے درمیان مؤثر نیٹ ورکنگ فراہم کرنا ہے۔
یاد رہے کہ اس موقع پر میں ہونے والے جدید ترین اور روایتی دفاعی ہتھیاروں کی نمائش کی جائے گی۔
