ویب ڈیسک: گورنر خیبرپختونخوا فیصل کریم نے انجمن ہلال احمر کوکرم میں خوراک فراہمی یقینی بنانے کی ہدایت کردی۔
تفصیلات کے مطابق گورنر خیبر پختونخوا نے ضلع کرم کی سنگین صورت حال کے حوالے سے اہم فیصلہ کرتے ہوئے انجمن ہلال احمر کو کسی بھی ایمرجنسی صورت حال سے نمٹنے اور لوگوں کی خدمت کی ذمہ داری سونپ دی ہے۔ فیصل کریم کنڈی نے درسمندر اور ٹل کے علاقوں کے متاثرین کیلیے فوڈ کی سپلائی یقینی بنانے کی ہدایت کی اور کہا کہ اس سنگین صورت حال میں صوبائی حکومت اپنی ذمہ داری پوری کرے۔
انہوں نے کہا کہ عوام کو تحفظ فراہم کرنا صوبائی حکومت کی اولین ذمہ داری ہے، 2013 سے صوبائی حکومت نے ہمیشہ وفاق پر یلغار کی ہے۔ فیصل کریم کنڈی نے کہا کہ کرم میں معصوم لوگ مر رہے ہیں لیکن صوبائی حکومت کی مجرمانہ کردار قابل افسوس ہیں۔ یاد رہے کہ گورنر پختونخوا کی جانب سے انجمن ہلال احمر کوکرم میں خوراک فراہمی یقینی بنانے کی ہدایت کر دی گئی ہے۔
![انجمن ہلال احمر کوکرم میں خوراک](https://i0.wp.com/mashriqtv.pk/wp-content/uploads/kundi-3.jpg?fit=800%2C450&ssl=1?v=1732515010)