ملک میں انارکی پھیلانے کی اجازت

ملک میں انارکی پھیلانے کی اجازت نہیں دیں گے، شہباز شریف

ویب ڈیسک: وزیراعظم شہباز شریف نے پی ٹی آئی کےجاری احتجاج کے حوالے سے کہا ہے کہ ملک میں انارکی پھیلانے کی اجازت نہیں دیں گے۔
وزیر اعظم شہباز شریف کی زیر صدارت ماڈل ٹاؤن میں اجلس منعقد ہوا جس میں ملک کی موجودہ سیاسی صورتحال پر تبادلہ خیال ہوا۔ اس دوران کہا گیا کہ ملک دشمن عناصر نہیں چاہتے پاکستان ترقی کرے، ملکی معاشی حالات بہترین ہو رہے ہیں، ہمیں سب اتحادیوں کو ساتھ لیکر چلنا ہو گا۔ اس دوران کسی کو بھی پاکستان کے مفادات اور ترجیحات سے کھیلنے نہیں دیا جاسکتا۔
انہوں نے اجلاس سے خطاب کرتے ہوئے کہا کہ پیپلز پارٹی کے مطالبات کو سنجیدگی سے لیا جائے، جہاں تک ہو سکے ہمیں ان کو حل کرنا ہے۔ وزیر اعظم نے اجلاس کے دوران حکومتی ٹیم کو پیپلزپارٹی کے تحفظات دور کرنے کی ہدایت کردی۔ انہوں نے پی ٹی آئی کےجاری احتجاج کے حوالے سے کہا ہے کہ ملک میں انارکی پھیلانے کی اجازت نہیں دیں گے۔

مزید پڑھیں:  بدنیتی پر مبنی سوشل میڈیا مہم : جے آئی ٹی نے پی ٹی آئی رہنماؤں کو طلب کرلیا