ویب ڈیسک: بیلاروس کے صدر الیگزینڈر لوکا شنکو 3روز کے دورے پر پاکستان پہنچ گئے ہیں ۔
وزیراعظم شہبازشریف نے نور خان ائیربیس پر مہمان صدر کا استقبال کیا، بیلا روس کے صدر 27نومبر تک پاکستان کا دورہ کررہے ہیں۔
نائب وزیراعظم اور وزیرخارجہ اسحاق ڈار، وزیر داخلہ محسن نقوی ، وزیراطلاعات عطا اللہ تارڑ اور سینئر سرکاری حکام بھی معزز مہمان کے استقبال کیلئے موجود تھے۔
بیلاروس کے صدر کی دورہ پاکستان میں اسلام آباد میں وزیراعظم شہبازشریف کے ساتھ ملاقات ہوگی۔
پاک بیلاروس قیادت دوطرفہ تعاون اور روابط بڑھانے کیلئے بات چیت کرے گی۔
اس کے علاوہ بیلا روس کے صدر کے دورہ پاکستان میں کئی معاہدوں اور ایم او یوز پر دستخط ہوں گے۔
یاد رہے کہ بیلاروس کے وزیرخارجہ کی زیر قیادت 68 رکنی اعلی سطحی وفد گزشتہ روز پاکستان پہنچا تھا۔ وفد میں بیلاروس کی کابینہ کے اہم وزرا سمیت معروف کاروباری شخصیات اور سرمایہ کار شامل ہیں۔
