ویب ڈیسک: 32 ویں نیشنل ہینڈبال چیمپئن شپ کیلئے خیبرپختونخوا کے ٹرائلز 4دسمبر کو پشاور یونیورسٹی ہاسٹل ٹو گراﺅنڈ پر منعقد ہونگے، چیمپئن شپ 22 سے 28 دسمبر کو بہاﺅلپورپنجاب میں منعقد ہوگی۔
یہ باتیں خیبرپختونخوا ہینڈ بال ایسوسی ایشن کے صدر و ڈائریکٹر سپورٹس پشاور یونیورسٹی بحرکرم نے بتائیں، انہوں نے کہا کہ پاکستان آرمی سپورٹس ڈائریکٹریٹ اور پاکستان ہینڈ بال فیڈریشن کے تعاون سے 22 سے 28 دسمبر 2024 کو بہاﺅلپور میں 32 ویں نیشنل ہینڈ بال چیمپئن شپ منعقد ہوگی۔
ان کا کہنا تھا کہ اس ایونٹ میں چاروں صوبوں سمیت تمام ڈیپارٹمنٹ کی ٹیمیں شرکت کریں گی، اس سلسلے میں خیبرپختونخوا ہینڈ بال ٹیم کی سلیکشن 04 دسمبر 2024 کو صبح دس بجے پشاور یونیورسٹی میں ہو گی، جس کی سلیکشن کمیٹی میں صوبائی ہینڈ بال ایسوسی ایشن کے صدربحرکرم کنوینیئر ، جنرل سیکرٹری ڈاکٹر نورزادہ ، نائب صدر ارشد حسین ،جائنٹ سیکرٹری صفدر خان اور فنانس سیکرٹری سجاد خان شامل ہیں۔
صدر صوبائی ہینڈ بال ایسوسی ایشن بحرکرم نے امید ظاہر کی کہ نیشنل چیمپئن شپ میں خیبرپختونخوا کی ٹیم بہترین کارکردگی کا مظاہرہ کرتے ہوئے ٹرافی ضرور اپنے نام کریگی۔ انہوں نے تمام ہینڈ بال کھلاڑیوں کو ہدایت کی ہے کہ وہ ٹرائلز میں بروقت شرکت یقینی بنائیں تاکہ ایک بہترین ٹیم کا انتخاب عمل میں لایا جا سکے۔
یاد رہے کہ 32 ویں نیشنل ہینڈبال چیمپئن شپ کیلئے خیبرپختونخوا کے ٹرائلز 4دسمبر کو پشاور یونیورسٹی ہاسٹل ٹو گراﺅنڈ پر منعقد ہونگے.
