ویب ڈیسک: سنی اتحاد کونسل کے سربراہ صاحبزادہ حامد رضا پاکستان تحریک انصاف کی سیاسی اور کور کمیٹی سے مستعفی ہو گئے ہیں ۔
ذرائع کے مطابق 24 نومبر کے احتجاج کے پیش نظر پارٹی تنقید اور اختلافات کے باعث صاحبزادہ حامد رضا نے مستعفی ہونے کا فیصلہ کیا۔
ذرائع نے اس حوالے سے مزید بتایا کہ صاحبزادہ حامد رضانے قومی اسمبلی سے بھی استعفیٰ دینے کا فیصلہ کرلیا ہے، حامد رضا بانی پی ٹی آئی سے ملاقات کے بعد قومی اسمبلی سے استعفیٰ پیش کریں گے۔
واضح رہے کہ اس سے قبل سلمان اکرم راجہ سیکریٹری جنرل پی ٹی آئی کے عہدے سے مستعفی ہوئے ہیں، چیئرمین پی ٹی آئی بیرسٹر گوہر خان نے سلمان اکرم راجہ کے استعفے کی تصدیق کی تھی۔
