ویب ڈیسک: صوبہ پنجاب میں سموگ کے ڈیرے، لاہور بدستور آلودہ ترین شہروں میں نمبر ون ہے۔
صوبائی دارالحکومت لاہور میں سموگ کم ہونے میں نہیں آ رہی اور اس نے پورے علاقے کو گھیرے میں لے رکھا ہے، جس کے باعث لاہور بدستور آلودہ ترین شہروں میں نمبر ون پوزیشن پر موجود ہے۔
ایئر کوالٹی انڈیس ریٹ کے مطابق لاہور میں فضائی آلودگی کی مجموعی شرح 277 ریکارڈ کی گئی، ڈی ایچ اے فیز فائیو کا اے کیو آئی 459 پر جا پہنچا، یو ایس قونصلیٹ کے علاقے میں ایئر کوالٹی انڈیکس 433 رہا، جبکہ اس کے علاوہ گلبرگ کے علاقے میں اے کیو آئی کی شرح 416 رہی۔
محکمہ موسمیات کی جانب سے جاری ہونے والی رپورٹ میں بتایا گیا ہے کہ لاہور میں بارش کا آج کوئی امکان نہیں، شہر کا کم سے کم درجہ حرارت 13 جبکہ زیادہ سے زیادہ درجہ حرارت 24 ڈگری سینٹی گریڈ تک جا سکتا ہے۔
موسم کا احوال بتانے والوں کے اعداد و شمار کے مطابق شہر لاہور میں ہوا میں نمی کا تناسب 81 فیصد تک جا پہنچا ہے۔
