ویب ڈیسک: پاکستان سٹاک ایکسچینج میں ہنڈرڈ انڈیکس 1لاکھ 3ہزار پوائنٹس کی حد کو چھو گیا۔
تفصیلات کے مطابق کاروباری ہفتے کے پہلے دن پاکستان سٹاک ایکسچینج میں زبردست تیزی دیکھی گئی، اس دوران ایک بار پھر سے نیا ریکارڈ قائم ہو گیا، اور سٹاک ایکشچینج میں ہنڈرڈ انڈیکس 1لاکھ 3ہزار پوائنٹس کی حد کو چھو گیا۔
کاروباری ہفتے کے پہلے روز شروع سے ہی پی ایس ای میں زبردست تیزی دیکھنے میں آئی۔ اس دن ٹریڈنگ کے دوران 1700 سے زائد پوائنٹس کا اضافہ دیکھا گیا، اس کے ساتھ ہی پاکستان سٹاک مارکیٹ میں 100 انڈیکس ایک لاکھ 3 ہزار 062 پوائنٹس کی سطح پر ٹریڈ کرنے لگا۔
یاد رہے کہ گزشتہ کاروباری ہفتے کے آخری روز سٹاک ایکسچینج میں تیزی کا رجحان پایا گیا، اس دوران پی ایس ای میں 100 انڈیکس 1274 پوائنٹس اضافے کے ساتھ ایک لاکھ ایک ہزار 357 پوائنٹس کی بلند ترین سطح پر بند ہوا تھا۔
دوسری جانب امریکی کرنسہ کی قدر میں کمی کا سلسلہ برقرار ہے۔ کاروباری ہفتے کے پہلے روز انٹر بینک میں امریکی کرنسی ڈالر مزید 15 پیسے سستا ہو گیا، جس کے ساتھ انٹر بینک میں ڈالر 278 روپے 05 پیسے سے کم ہو کر 277 روپے 90 پیسے پر ٹریڈ کرنے لگا ہے۔
