ویب ڈیسک: گورنر خیبرپختون خوا فیصل کریم کنڈی نے کہا ہے کہ غلط چیزوں سے بروقت نہیں نمٹیں گے تو یہ بڑھتی جائیں گی، اب وقت آ گیا ہے کہ ان سے سختی سے نمٹا جائے، دہشت گردی کے خاتمے بارے 5دسمبر کو اے پی سی بلائی ہے۔
گورنر خیبر پختونخوا نے جرگے سے خطاب کرتے ہوئے کہا کہ دہشت گردی کے خاتمے اور صوبے کے وسائل سے متعلق 5دسمبر کو اے پی سی بلائی ہے، آل پارٹیز کانفرنس میں وزیراعلیٰ خیبر پختونخوا کو بھی بلائیں گے۔
فیصل کریم کنڈی کا اس حوالے سے مزید کہنا ہے کہ امن وامان کیلئے سب کو مل کر کردار ادا کرنا ہوگا، یہی ہم سب کی اجتماعی ذمہ داری ہے، ان کا کہنا تھا کہ سوشل میڈیا کو نفرتوں کے لئے استعمال کیا جارہا ہے، جو کہ غلط ہے۔
