ویب ڈیسک: انسداد دہشتگردی عدالت نے ڈی چوک میں احتجاج پر بانی پی ٹی آئی عمران خان سمیت دیگر رہنماؤں کے وارنٹ گرفتاری جاری کردیئے۔
ذرائع کا کہنا ہے کہ کوہسار پولیس نے مقدمہ نمبر 1032 میں پی ٹی آئی رہنما سمیت 96 ملزمان کے وارنٹ گرفتاری حاصل کئے ،انسداد دہشتگردی عدالت کے جج طاہر عباس سپرا نے وارنٹ گرفتاری جاری کئے ہیں ۔
انسداد دہشتگردی عدالت سے پولیس نے عمران خان کی اہلیہ بشریٰ بی بی، بیرسٹر گوہر، شعیب شاہین،علی بخاری اور عامر مغل، عمر ایوب، شیر افضل مروت، خالد خورشید،فیصل جاوید کے بھی وارنٹ گرفتاری حاصل کیے۔
عدالت نے ایم این اے عبدالطیف، فاتح الملک ،علی ناصر ،صوبائی وزیر ریاض خان علی زمان ، پیر مصور، میاں خلیق الرحمان، سہیل آفریدی اور شہرام خان ترکئی کے بھی وارنٹ جاری کردیئے ۔
علاوہ ازیں انسداد دہشتگردی عدالت سے بریگیڈیئرریٹائرڈ مشتاق اللہ، میجر ریٹائرڈ راشد ٹیپو ، زلفی بخاری ، سلمان اکرم راجہ ،مراد سعید ،رؤف حسن کے بھی وارنٹ گرفتاری جاری کئے گئے ہیں ۔
