ویب ڈیسک: امریکی وزارت خارجہ کے ترجمان میتھیو ملر نے پریس بریفنگ کے دوران کہا ہے کہ حکومت پاکستان کو مظاہرین کے ساتھ احترام سے نمٹنا چاہیے، پاکستان سمیت دنیا بھر میں احتجاج پر امن ہونے چاہئیں۔
انہوں نے کہا کہ دہشت گردی کیخلاف جنگ میں امریکہ پاکستان کے ساتھ کھڑا ہے، حکومت پاکستان کو مظاہرین کے ساتھ احترام سے نمٹنا چاہیے، ان کا مزید کہنا ہے کہ ہندوستانی ہم منصب کے ساتھ سکھ رہنما کے قتل کی سازش پر تبادلہ خیال ہوا ہے۔
ترجمان امریکی وزارت خارجہ کی جانب سے نومنتخب امریکی صدر ڈونلڈ ٹرمپ کی نامزد کابینہ کے ارکان کو دھمکیاں ملنے کے حوالے سے سوال کا جواب دینے سے گریز کیا گیا۔
میتھیو ملر نے کہا کہ امریکہ سیاسی عمل کے ذریعے شام میں خانہ جنگی کے خاتمے کا خواہاں ہے۔ ان کا کہنا تھا کہ ایران عراق سے جنگجوؤں کے ذریعے شامی صدر کی حمایت کر رہا ہے، دوسری جانب امریکا اور فرانس لبنان جنگ بندی مانیٹر کر رہے ہیں۔
