ویب ڈیسک: فضائی آلودگی میں لاہور پھر سرفہرست آ گیا جبکہ کراچی تیسرا آلودہ ترین شہر بن گیا۔
تفصیلات کے مطابق لاہور سمیت ملک بھر میں فضائی آلودگی نے پنجے گاڑ رکھے ہیں، اس فضائی آلودگی کے باعث شہریوں کا سانس لینا محال ہو گیا۔ اے کیو آئی رپورٹ کے مطابق فضائی آلودگی میں لاہور پھر سرفہرست جبکہ کراچی تیسرا آلودہ ترین شہر بن گیا۔
لاہور کا اے کیو آئی 267، کراچی کا 194 ریکارڈ کیا گیا ہے، پنجاب کے دیگر شہروں مِں فیصل آباد 270، ملتان کا اے کیو آئی 258 ریکارڈ کیا گیا، اسلام آباد کا 167 اے کیو آئی رہا۔ خیبرپختونخوا کے دارالحکومت پشاور کا ایئر کوالٹی انڈیکس 110 ریکارڈ کیا گیا۔
عالمی سطح پر فضائی آلودگی میں بھارتی دارالحکومت نئی دہلی کا دوسرا نمبر ہے جس کا اے کیو آئی 244 ریکارڈ کیا گیا۔
