ویب ڈیسک: بالی ووڈ فلم راک سٹار میں رنبیر کپور کے ساتھ مرکزی کردار میں دکھائی دینے والی اداکارہ نرگس فخری کی بہن دہرے قتل کے جرم میں گرفتار کر لی گئیں۔
ذرائع کے مطابق یہ واقعہ 2 دسمبر کی صبح نیویارک میں پیش آیا جب 43 سالہ عالیہ فخری 2 منزلہ گیراج کے باہر پہنچیں اور زور زور سے چلائیں کہ آج تم سب کا آخری دن ہے، تم سب مرو گے۔
اس دوران پڑوسی شور شرابا سن کر گھروں سے باہر نکلے تو انہوں نے دیکھا کہ گھر بری طرح آگ کی لپیٹ میں تھا، ذرائع کے مطابق عالیہ کا سابق دوست 35 سالہ جیکب اور اس کی 33 سالہ خاتون دوست ایٹین اوپر والی منزل میں تھے، کہ گھر آگ کی پلیٹ میں تھا۔
آگ بجھانے کے بعد دونوں کی لاشوں کو باہر نکال لیا گیا، دونوں کی موت گھر میں دھواں بھر جانے اور جھلسنے سے واقعہ ہوئی۔ ایسے میں بالی ووڈ اداکارہ نرگس فخری کی بہن دہرے قتل کے جرم میں گرفتار کر لی گئیں، ان کے خلاف مزید قانونی کارروائی کا عندیہ دیا گیا ہے۔
دوسری جانب نرگس فخری کا تاحال اس واقعہ پر کسی قسم کا ردعمل نہیں آیا، بھارتی میڈیا کے مطابق نرگس اور عالیہ کی والدہ نے یہ ماننے سے انکار کردیا ہے کہ ان کی بیٹی اس نوعیت کا جرم کر سکتی ہے۔ تاہم پولیس نے انہیں گرفتار کر کے معاملے کی تحقیقات شروع کر دی ہیں۔
