ویب ڈیسک: وزیراعظم میاں شہباز شریف نے ریاض میں سعودی ولی سعودی ولی عہد شہزادہ محمد بن سلمان سے ملاقات کی جس میںدونوں رہنمائوں سے تعلقات میں بڑی تبدیلی لانے کے عزم ظاہر کیا ہے ۔
تفصیلات کے مطابق وزیراعظم میاں شہباز شریف اور سعودی ولی عہد شہزادہ محمد بن سلمان کے درمیان ون واٹر سربراہی اجلاس کی سائیڈ لائن میں خوشگوار ملاقات ہوئی۔
سعودی ولی عہد نے گزشتہ چھ ماہ کے دوران پانچویں بار پاکستانی وزیر اعظم سے ملاقات پر اپنی بے حد خوشی کا اظہار کیا۔
انہوں نے کہا کہ یہ حقیقی محبت اور باہمی احترام کا ثبوت ہے جو دونوں ممالک کے عوام کو جوڑتا ہے۔
ملاقات میں دونوں رہنمائوں کا اس بات پر اتفاق کیا کہ پاکستان اور سعودی کے لیے اپنے اقتصادی، تجارتی اور سرمایہ کاری کے تعلقات کو مزید فروغ دینا انتہائی ضروری ہے۔
سعودی ولی عہد نے اس بات پر زور دیا ک پاکستان اور سعودی عرب کے مابین تعاون کا فروغ پاکستان کی معاشی ترقی اور خوشحالی کیلئے کلیدی اہمیت رکھتا ہے۔
ملاقات میں پاکستان میں سرمایہ کاری کے حوالے سے سعودی مفاہمتی یادداشتوں اور معاہدوں پر عملدرآمد کی رفتار پر اطمینان کا اظہار کیاگیا، وزیراعظم نے ولی عہد کا پاکستانی عوام کے لیے نیک خواہشات پر شکریہ ادا کیا۔
شہباز شریف نے ولی عہد کو جلد از جلد پاکستان کا دورہ کرنے کی اپنی دعوت کا اعادہ کیا۔
ولی عہد نے وزیرِ اعظم کی دعوت کو قبول کرتے ہوئے کہا کہ وہ اپنے جلد دورہ پاکستان کے منتظر ہیں۔
