ویب ڈیسک: اقوام متحدہ جنرل اسمبلی میں فلسطینی ریاست کے قیام کیلئے قرارداد منظور کر لی گئی، اس کے ساتھ ہی اسرائیل سے مقبوضہ فلسطینی علاقوں سے نکلنے کا مطالبہ بھی کیا گیا۔
ذرائع نے بتایا ہے کہ اقوام متحدہ کی جنرل اسمبلی نے 8 کے مقابلے میں 157 ووٹوں سے قرارداد منظور کی، اس دوران ان 8 ووٹوں میں امریکا اور اسرائیل کا ووٹ بھی شامل تھا جس نے قرارداد کی مخالفت کی، جبکہ دیگر 7 ممالک نے ووٹنگ میں حصہ ہی نہیں لیا۔
فلسطینیوں کے حق خودارادیت اور ان کیلئے آزاد ریاست کے حق کو اقوام متحدہ کی جنرل اسمبلی میں تسلیم کیا گیا جبکہ اس دوران فلسطینی علاقوں بشمول غزہ پٹی اسرائیلی قبضے کو ناجائز قرار دے دیا گیا۔
جنرل اسمبلی میں مسئلہ فلسطین کے دو ریاستی حل کیلئے عالمی قوانین کے تحت غیر متزلزل حمایت کا اظہار کیا گیا، اس موقع پر یہ بھی کہا گیا کہ 1967 کی سرحدی تقسیم کے مطابق دو ریاستی حل کا مطلب ہے کہ دونوں ریاستیں ایک دوسرے کے ساتھ امن و امان کے ساتھ رہیں۔
دوسری جانب سعودی عرب کی جانب سے دو ٹوک الفاظ مِں اقوام متحدہ کے دو ریاستی حل کی مخالفت کی گئِ اور واضح کیا گیا کہ آزاد فلسطینی ریاست کے قیام کے بغیر اسرائیل کو تسلیم نہیں کیا جائے گا۔ یاد رہے کہ اقوام متحدہ جنرل اسمبلی میں فلسطینی ریاست کے قیام کیلئے قرارداد منظور کر لی گئی، اس کے ساتھ ہی اسرائیل سے مقبوضہ فلسطینی علاقوں سے نکلنے کا مطالبہ بھی کیا گیا۔
