ویب ڈیسک: جوڈیشل کمیشن سے قائد حزب اختلاف قومی اسمبلی اور پی ٹی آئی رہنما عمر ایوب کے بعد سینیٹر شبلی فراز بھی مستعفی ہو گئے، اب ان کی جگہ علی ظفر جوڈیشل کمیشن میں نمائندگی کرینگے۔ عمر ایوب نے اپنا استعفیٰ دیتے ہوئے چیئرمین پی ٹی آئی بیرسٹر گوہر کا نام دیا تھا۔
جوڈیشل کمیشن کی رکنیت سے تحریک انصاف کے رہنما اور سینیٹ میں اپوزیشن لیڈر شبلی فراز بھی مستعفی ہو گئے ہیں، ان کی جگہ اب سینیٹر علی ظفر جوڈیشل کمیشن میں نمائندگی کریں گے۔
یاد رہے کہ پی ٹی آئی کے رہنماوں عمر ایوب اور سینیٹر شبلی فراز نے عمران خان کی ہدایات پر جوڈیشل کمیشن سے استعفیٰ دیا ہے۔ دو روز قبل پی ٹی آئی نے قومی اسمبلی سے بیرسٹر گوہر اور سینیٹ سے علی ظفر کا نام جوڈیشل کمیشن کے لیے دیا تھا۔
