ویب ڈیسک: وزیراعظم شہبازشریف سے ہونے والی ملاقات میں سعودی ولی عہد نے دورہ پاکستان کی دعوت قبول کرلی۔
تفصیلات کے مطابق وزیراعظم شہباز شریف نے سعودی ولی عہد اور وزیراعظم محمد بن سلمان سے ملاقات کی۔ شہباز شریف اور سعودی ولی عہد کی ملاقات ون واٹرسربراہی اجلاس کے موقع پر سعودی دارالحکومت ریاض میں ہوئی۔
یاد رہے کہ یہ سعودی ولی عہد شہزادہ محمد بن سلمان کی 6 ماہ کے دوران وزیراعظم شہباز شریف سے 5 ویں ملاقات ہے۔ اس موقع پر سعودی ولی عہد نے کہا کہ یہ حقیقی محبت اورباہمی احترام کا ثبوت ہے جو دونوں ملکوں کے عوام کوجوڑتا ہے۔
دونوں رہنماؤں نے اقتصادی، تجارتی اور سرمایہ کاری تعلقات کو مزید فروغ دینے پر اتفاق کیا اور دوطرفہ تعلقات میں بڑی تبدیلی لانے کیلئے مشترکہ عزم کا اظہار کیا۔ اس موقع پر سعودی ولی عہد کا کہنا تھا کہ دونوں ملکوں کے درمیان تعاون کا فروغ پاکستان کی معاشی، ترقی خوشحالی کیلئے کلیدی اہمیت رکھتا ہے۔
وزیراعظم شہباز شریف نے ولی عہد سے پاکستانی عوام کیلئے نیک خواہشات پر اظہار تشکر کیا اور انہیں جلد پاکستان کا دورہ کرنے کی دعوت دی۔ وزیراعظم آفس کے مطابق ولی عہد محمد بن سلمان نے دورہ پاکستان کی دعوت قبول کرلی اور کہا کہ جلد دورہ پاکستان کا منتظر ہوں۔ یاد رہے کہ وزیراعظم شہبازشریف سے ہونے والی ملاقات میں سعودی ولی عہد نے دورہ پاکستان کی دعوت قبول کرلی۔
