ویب ڈیسک: بانی پی ٹی آئی اور سابق وزیراعظم عمران خان کی اہلیہ بشریٰ بی بی اور علی امین گنڈاپور کے وارنٹ اسلام آباد پولیس نے حاصل کرلئے۔
تفصیلات کے مطابق تھانہ کوہسار میں 24 نومبر کے احتجاج کے مقدمے میں پیشرفت ہوئی ہے، اس دوران بشریٰ بی بی اور علی امین گنڈاپور کے وارنٹ اسلام آباد پولیس نے حاصل کرلئے۔ اس کے علاوہ 96 نامزد ملزمان کے وارنٹ گرفتاری بھی اسلام آباد پولیس نے حاصل کر لئے ہیں۔
بانی پی ٹی آئی کی اہلیہ بشریٰ بی بی سمیت سیکرٹری اطلاعات پی ٹی آئی شیخ وقاص اکرم، عمر ایوب، شیر افضل مروت کا نام بھی اس فہرست میں شامل ہیں۔ کوہسار پولیس نے وزیر اعلیٰ خیبرپختونخوا سردار علی امین گنڈاپور کے بھی وارنٹ لے لئے، پی ٹی آئی رہنما عالیہ حمزہ، سیمابیہ طاہر، شعیب شاہین، علی بخاری کے نام بھی اس فہرست کا حصہ ہیں۔
ذرائع کے مطابق تمام ملزمان کی گرفتاری کے لئے اسلام آباد پولیس سپیشل ٹیمیں تشکیل دے گی۔ تھانہ کوہسار کے مقدمے میں پی ٹی آئی کی سینئر قیادت نامزد ہے۔
