ویب ڈیسک: ڈی چوک مقدمے کیخلاف علی امین گنڈاپور کا عدالت سے رجوع ، درج مقدمے سے دہشت گردی کی دفعات کی نکالنے کی استدعا کی گئی ہے۔
تفصیلات کے مطابق وزیراعلیٰ خیبرپختونخوا سردار علی امین گنڈاپور نے ڈی چوک مقدمے کے خلاف عدالت سے رجوع کر لیا، انہوں نے حاجی اجمل خان مہمند کے ذریعے ڈی چوک مقدمے کے خلاف اسلام آباد ہائی کورٹ میں درخواست دائر کی ہے۔
اسلام آباد ہائی کورٹ میں دائر مقدمہ میں تھانہ سیکرٹریٹ میں درج مقدمے سے دہشت گردی کی دفعات کی نکالنے کی استدعا کی گئی ہے۔ درخواست میں مزید مؤقف اختیار کیا گیا ہے کہ احتجاج کے لیے آئینی حق کو استعمال کیا، پولیس نے دہشت گردی کا مقدمہ درج کر لیا۔
26 نومبر کو اسلام آباد کے تھانہ سیکرٹریٹ میں اس حوالے سے مقدمہ درج ہوا، درخواست میں استدعا کی گئی ہے کہ حتمی فیصلے تک ایف آئی آر یا دہشت گردی کی دفعات کو معطل کیا جائے۔ یاد رہے کہ ڈی چوک مقدمے کیخلاف علی امین گنڈاپور کا عدالت سے رجوع ، درج مقدمے سے دہشت گردی کی دفعات کی نکالنے کی استدعا کی گئی ہے۔
