ویب ڈیسک:وفاقی وزیر اطلاعات و نشریات عطا تارڑ نے کہا ہے کہ پاک سعودی عرب تعلقات مضبوط اور دو طرفہ تجارتی معاہدے حقیقت کا روپ دھار رہے ہیں۔
اپنے بیان میں وفاقی وزیر اطلاعات عطاء تارڑ کا کہنا تھا کہ وزیراعظم محمد شہباز شریف کی ولی عہد شہزادہ محمد بن سلمان سے اہم ملاقات ہوئی، دونوں رہنماؤں کے دمیان 6 ماہ میں یہ پانچویں ملاقات تھی۔
انہوں نے کہا کہ وزیراعظم شہبازشریف اورشہزادہ محمد بن سلمان کی ملاقات بہت اہم رہی ہے، وزیراعظم کا دورہ سعودی عرب سنگ میل ثابت ہوگا۔
وفاقی وزیر دونوں ملکوں کے درمیان طے پانے والے معاہدے حقیقت کا روپ دھار رہے ہیں، سرمایہ کاری کا فروغ اور معاشی تعاون میں اضافہ حکومت کی ترجیح ہے، وزیراعظم کی قیادت میں فارن پالیسی کامیابی سے آگیبڑھ رہی ہے۔
عطا تارڑ نے مزید کہا کہ موثرپالیسیوں سے معیشت بہتری کی جانب گامزن ہے، مہنگائی 6سال کی کم ترین سطح پر ہے، سٹاک مارکیٹ میں ریکارڈ اضافہ ہوا ہے۔
