ویب ڈیسک: مشیر اطلاعات خیبرپختونخوا بیرسٹر محمد علیف سیف نے کہا ہے ہے کہ آل پارٹیز کانفرنس بلانے گورنر کا نہیں بلکہ منتخب صوبائی حکومت کا مینڈیٹ ہے ۔
گورنر ہائوس میں منعقدہ آل پارٹیز کانفرنس کے حوالے سے بات کرتے ہوئے مشیر اطلاعات خیبر پختونخوا بیرسٹر سیف کا کہنا تھا کہ کہ گورنر ہائوس میں اے پی سی کے نام پر صوبے کا مسترد شدہ ٹولہ جمع ہوا ہے۔
بیرسٹر سیف نے مزید کہا کہ کہ اے پی سی سیاسی پوائنٹ سکورنگ اور پی ٹی آئی کے خلاف بیانیہ بنانے کی ناکام کوشش ہے، آل پارٹیز کانفرنس بلانا گورنر کا نہیں، منتخب حکومت کا مینڈیٹ ہے۔
انہوں نے کہا کہ گورنر اے پی سی کے بجائے وفاق کا نمائندہ ہونے کے ناطے مرکز سے بقایا جات لیں، گورنر صوبے کے چیف ایگزیکٹو بننے کی ایکٹنگ نہ کریں۔
واضح رہے کہ خیبرپختونخوا میں امن کے قیام کیلئے گورنر کے پی فیصل کریم کنڈی کی سربراہی میں آل پارٹیز کانفرنس آج ہو رہی ہے جس میں پاکستان تحریک انصاف نے شرکت سے انکار کیا ہے۔
