ویب ڈیسک: لاہور کی انسداد دہشتگردی عدالت نے 9مئی کو جلائو گھیرا ئوکے مقدمے میں شاہ محمود قریشی اور دیگر پر فرد جرم عائد کردی ہے۔
انسداد دہشتگردی عدالت کے جج نے جیل میں قائم عدالت میں کیس کی سماعت کی جس کیلئے تمام ملزمان کو عدالت میں پیش کیا گیا۔
سماعت کے دوران تحریک انصاف کے رہنماؤں کی جانب سے برہان معظم عدالت میں پیش ہوئے۔
دلائل سننے کے بعد عدالت کی جانب سے یاسمین راشد، عمر سرفراز چیمہ، میاں محمود الرشید اور سینیٹر اعجاز چوہدری پر بھی فرد جرم عائد کی گئی تاہم تمام ملزمان نے صحت جرم سے انکار کردیا۔
ملزمان کے خلاف تھانہ سرور روڈ کے مقدمے میں فرد جرم عائد کی گئی۔
انسداد دہشتگردی عدالت نے 16 دسمبر کو گواہان کو طلب کرلیا۔
