ویب ڈیسک: چیئرمین پیپلز پارٹی بلاول بھٹو زرداری نے کہا ہے کہ بلوچستان حکومت کے وفاق سے متعلق امور متعلقہ فورم پر اٹھائیں گے۔ وزیراعلیٰ بلوچستان سرفرازبگٹی نے بلاول بھٹو سے ملاقات میں صوبے میں امن و امان سمیت مجموعی صورتحال پر تبادلہ خیال کیا۔
پیپلز پارٹی چیئرمین بلاول بھٹو سے نائب وزیراعظم اور مسلم لیگ نون کے رہنما اسحاق ڈار نے ملاقات کی، اس دوران دونوں رہنماوں کے مابین تمام تر معاملات کے حل کے لئے پاکستان پیپلز پارٹی اور حکومتی کمیٹیوں کی ملاقاتوں پر اتفاق کیا گیا۔
ملاقات میں گورنر خیبرپختونخوا فیصل کریم کنڈی، وزیراعلیٰ بلوچستان میر سرفراز بگٹی اور پاکستان پیپلز پارٹی کے سینیئر رہنما راجا پرویز اشرف موجود تھے، بعد ازاں گورنر خیبرپختونخوا فیصل کریم کنڈی نے چیئرمین پیپلز پارٹی کو ہونے والی اے پی سی (آل پارٹیز کانفرنس) سے متعلق بریفنگ دی۔ اس موقع پر چیئرمین پی پی پی نے صوبے کے وسائل اور قیام امن کیلئے بھرپور ساتھ دینے کا اعادہ کیا۔
وزیراعلیٰ بلوچستان سرفرازبگٹی نے بھی چیئرمین پیپلز پارٹی بلاول بھٹو سے ملاقات کی، اس دوران بلوچستان میں امن و امان سمیت مجموعی صورتحال پر تبادلہ خیال کیا گیا۔ اس موقع پر بلاول بھٹو نے کہا کہ بلوچستان حکومت کے وفاق سے متعلق امور متعلقہ فورم پر اٹھائیں گے۔
