ویب ڈیسک: پنجاب کے حلقے پی پی139 شیخوپورہ کے ضمنی الیکشن میں ن لیگ کا امیدوار کامیاب، غیر حتمی غیر سرکاری نتائج کے مطابق مسلم لیگ (ن) کے امیدوار رانا طاہر 44264 ووٹ لے کر کامیاب ہو گئے۔
123 پولنگ اسٹیشنوں کے غیر حتمی غیر سرکاری نتائج کے مطابق پی پی139 شیخوپورہ کے ضمنی الیکشن میں ن لیگ کے امیدوار نے میدان مار لیا، مسلم لیگ نون کے امیدوار رانا طاہر 44264 ووٹ لے کر کامیاب ہو گئے۔
پاکستان تحریک انصاف کے حمایت یافتہ آزاد امیدوار اعجاز حسین بھٹی 19 ہزار 964 ووٹ لے کر دوسرے جبکہ تحریک لبیک پاکستان کے امیدوار علامہ فاروق 7170 ووٹ لے کر تیسرے نمبر پر رہے۔ لیگی امیدوار کی کامیابی پر کارکنان نے بھرپور خوشی کا اظہار کیا، اور ہوائی فائرنگ بھی کی۔
