ویب ڈیسک: سٹاک مارکیٹ میں ایک بار پھر سے تیزی دیکھی جا رہی ہے، اس دوران ہنڈرڈ انڈیکس 1لاکھ 9ہزار پوائنٹس کی حد بھی پار کر گیا۔
تفصیلات کے مطابق یہ ہفتہ کاروبار کے لحاظ سے خاصا کامیاب رہا، پاکستان سٹاک ایکسچینج میں کاروباری ہفتے کے پانچویں دن ایک اور ریکارڈ قائم ہو گیا ، ہنڈرڈ انڈیکس 1لاکھ 9ہزار پوائنٹس کی حد بھی پار کر گیا۔ کاروباری ہفتے کے آخری روز زبردست تیزی دیکھنے میں آئی۔
ٹریڈنگ کے دوران پاکستان سٹاک ایکسچینج میں 1100 سے زائد پوائنٹس کا اضافہ ہوا جس کے ساتھ ہی ہنڈرڈ انڈیکس 1 لاکھ 9 ہزار 380 پوائنٹس کی بلند ترین سطح پر پہنچ گیا۔ اس سے پہلے یہ سکورنگ بورڈ پر نہیں دیکھی گئی، اب کی بار مارکیٹ میں کاروبار کرنے والوں کے اعتماد میں کافی اضافہ ہوا ہے۔
یاد رہے کہ کاروباری ہفتے کے چوتھے روز ٹریڈنگ کے دوران پاکستان سٹاک ایکسچینج میں 3134 پوائنٹس کا اضافہ ہوا، اس دوران سٹاک ایکسچینج میں ہنڈرڈ انڈیکس 1 لاکھ 8 ہزار 238 پوائنٹس کی بلند ترین سطح پر بند ہوا تھا۔
ماہرین کے مطابق رواں ہفتہ کاروبار کرنے والوں کیلئے زبردست رہا، اس دوران پہہلے دن سے ہی ریکارڈ بننے کا سلسلہ جاری تہا، اور کاروباری ہفتے کے آخری روز بھی ریکارڈ بنا کو پہلے نہیں بن پایا تھا.
