ویب ڈیسک: خیبرپختونخواکے مشیر اطلاعات و نشریات بیرسٹر ڈاکٹر سیف نے وفاقی حکومت کو تنقید کا نشانہ بناتے ہوئے کہا ہے کہ یہ کیسا انصاف ہے کہ ہمارے سینکڑوں کارکنان زخمی ہیں، اور دہشتگرد بھی ہمیں ہی کہا جا رہا ہے۔
ان کا کہنا تھا کہ تحریک انصاف نے کبھی مذاکرات سے انکار نہیں کیا، بس اس کیلئے شریہ یہ ہونی چاہئے کہ مذاکرات بامعنی ہوں اور ڈرامہ نہ ہوں، احتجاج کے دوران بھی ہم مذاکرات کر رہے تھے، کبھی مذاکرات سے انکار نہیں کیا۔
انہوں نے فیک نیوز پر سزاوں کے حوالے سے کہا کہ اگر فیک نیوز پر کسی کو جیل میں ڈالنا ہے تو پہلے وفاقی وزیر اطلاعات کو پکڑیں۔ انہوں نے کہا کہ ہمارے سینکڑوں کارکنان زخمی ہیں، اور دہشتگرد بھی ہمیں ہی کہا جا رہا ہے، یہ کیا انصاف ہے۔
بیرسٹر ڈاکٹر سیف نے حکومت کو مشورہ دیتے ہوئے مزید کہا کہ اگر آئین کے دائرے میں قانون کا نفاذ کرنا ہے تو ہم ساتھ دینے کے لیے تیار ہیں۔
