ویب ڈیسک: 190ملین پاؤنڈز ریفرنس میں اہم پیش رفت، احتساب عدالت نے بشریٰ بی بی کو گرفتار کر کے پیش کرنے کا حکم دے دیا۔
احتساب عدالت کے جج ناصر جاوید رانا نے اڈیالہ جیل میں عمران خان اور بشریٰ بی بی کیخلاف 190 ملین پاؤنڈز ریفرنس کی سماعت کی، اس دوران سابق خاتون اول آج بھی پیش نہ ہو ئیں۔ احتساب عدالت کی جانب سے بشریٰ بی بی کے بلاضمانت وارنٹ گرفتاری پر عملدرآمد کے لئے دوبارہ نوٹس جاری کرتے ہوئے آئندہ سماعت پر بشریٰ بی بی کو گرفتار کرکے عدالت میں پیش کرنے کا حکم دے دیا۔
بعدازاں عدالت نے بانی پی ٹی آئی عمران خان اور ان کی اہلیہ بشریٰ بی بی کے خلاف 190 ملین پاونڈ ریفرنس کی سماعت پر مزید کارروائی 9 دسمبر تک ملتوی کردی۔
