ویب ڈیسک: پشاور ہائِیکورٹ نے سست انٹرنیٹ پر وزارت داخلہ اور آئی ٹی سے جواب طلب کر لیا۔ پشاور ہائیکورٹ کے جسٹس وقار احمد اور جسٹس کامران حیات میاں خیل پر مشتمل دو رکنی بینچ نے ملک میں سست انٹرنیٹ سروس کے خلاف دائر درخواست پر سماعت کی۔
درخواست گزار کے وکیل نے کہا کہ انٹرنیٹ سست ہونے سے لوگوں کو مشکلات کا سامنا کرنا پڑ رہا ہے اور لوگوں کا کاروبار متاثر ہو رہا ہے، جسٹس وقار احمد نے سوال کیا کہ آپ کا مطلب ہے، حکومت مان نہیں رہی کہ انٹرنیٹ سست کیا گیا ہے؟ اس پر سرکاری وکیل نے عدالت کو بتایا کہ احتجاج کے وقت حکومت انٹرنیٹ کو ڈاؤن کرتی ہے اور پہلے سے آگاہ بھی کرتی ہے۔
یاد رہے عدالت نے ملک میں سست انٹرنیٹ سروس کے خلاف دائر درخواست پر سماعت کی، اس دوران عدالت نے سست انٹرنیت پر وزارت داخلہ اور آئی ٹی سے تفصیل آئندہ سماعت پر پیش کرنے کا حکم دیا۔
