ویب ڈیسک: خیبر پختونخوا اسمبلی نے وادی تیراہ اور جانی خیل میں ممکنہ عسکری آپریشن کیخلاف قرارداد منظور کرلی۔ مشترکہ قرارداد پی ٹی آئی کے عبدالغنی اور جے یو آئی کے ایم پی اے عدنان وزیر کی جانب سے پیش کی گئی۔
قرارداد کے متن کے مطابق آپریشن کسی مسئلے کا حل نہیں کیونکہ اس سے پہلے بھی کئی آپریشن ہو چکے ہیں، مذاکرات کے ذریعے پائیدار حل تلاش کیا جائے۔ مشترکہ قرارداد میں مطالبہ کیا گیا کہ وادی تیراہ ضلع خیبر اور جانی خیل ضلع بنوں میں آپریشن سے گریز کیا جائے۔
صوبائی اسمبلی اجلاس میں مزید کہا گیا کہ اس سردی میں نقل مکانی سے عوام کو مشکلات کا سامنا کرنا پڑے گا۔ صوبائی اسمبلی نے قرارداد متفقہ طور پر منظور کرلی۔ یاد رہے کہ خیبر پختونخوا اسمبلی نے وادی تیراہ اور جانی خیل میں ممکنہ عسکری آپریشن کیخلاف قرارداد منظور کرلی۔ مشترکہ قرارداد پی ٹی آئی کے عبدالغنی اور جے یو آئی کے ایم پی اے عدنان وزیر کی جانب سے پیش کی گئی۔
