ویب ڈیسک: پنجاب میں پی ٹی آئی کے سابق میڈیا کوآرڈینیٹر جاوید بدر نے ایک کھلا خط جاری کیا ہے جس میں سابق وزیراعظم نواز شریف سے ماضی کے الزامات اور تنقید پر معافی مانگ لی ۔
اپنے خط میں جاوید بدر نے اپنے کیے پر پشیمانی کا اظہار کرتے ہوئے اعتراف کیا کہ انہوں نے نواز شریف پر بلاجواز الزامات لگائے اور نقصان پہنچایا۔
انہوں نے معافی کی درخواست کرتے ہوئے نواز شریف سے کہا کہ وہ ان کے اس عمل کو ان کی کم عقلی اور ناپختگی سمجھیں۔
اپنے خط انہوں نے اس بات پر بھی زور دیا کہ یہ خط کسی بیرونی دبا یا ذاتی فائدے کے بجائے اپنے ضمیر اور آخرت میں جوابدہی کے خوف سے رضاکارانہ طور پر لکھا گیا ہے۔
جاوید بدر نے اپنے کھلے خط میں پی ٹی آئی کی قیادت میں سیاسی زہر پھیلانے میں حصہ لینے کا بھی اعتراف کرتے ہوئے لکھا کہ انھوں نے نوجوانوں کو گمراہ کرنے اور معاشرے میں تفرقہ پھیلانے میں کردار ادا کیا ہے۔
انہوں نے گمراہ ہونے والوں کے والدین اور پوری قوم سے بھی معافی مانگی اور کہا نواز شریف پر جھوٹے مقدمات بنائے گئے، انہیں بھی بلاجواز قید کیا گیا۔
جاوید بدر نے انکشاف کیا کہ انہوں نے عثمان بزدار کو وزیراعلیٰ بنائے جانے اور بشریٰ بی بی کو مبینہ طور پر کرپشن پر روکنے کے بعد پی ٹی آئی سے خود کو دور کرلیا تھا۔
جاوید نے نواز شریف اور ان کی ٹیم کی پاکستان کے استحکام کیلئے کوششوں کی تعریف کرتے ہوئے ان کی اہم شراکت کا اعتراف کیا۔
