ویب ڈیسک: وزیراعظم شہباز شریف نے کہا ہے کہ حکومت اور افواج دہشت گردی کے خاتمے کے لیے عزم ہیں،ہم دہشت گردی کے خاتمے تک چین سے نہیں بیٹھیں گے۔
نیشنل میری ٹائم سکیوٹی کے ورکشاپ کے اختتامی سیشن سے خطاب کرتے ہوئے وزیراعظم کا کہنا تھا کہ ہم نے 2016 میں دہشت گردی کا خاتمہ کردیا تھا مگر بدقسمتی سے دہشت گردی کے ناسور نے دوبارہ سر اٹھالیا ہے ۔
انہوں نے کہا کہ پاکستان دہشت گردی کی وجہ سے بھاری قیمت ادا کررہا ہے دہشت گردی کے خاتمے کے لیے ہمارا عزم پختہ ہے، حکومت اور افواج دہشت گردی کے خاتمے کے لیے عزم ہیں، ہم ملک میں فول پروف سکیورٹی چاہتے ہیں۔
وزیراعظم نے کہا کہ امن و امان یقینی بنانے کے لیے اپیکس کمیٹی کے اجلاس ہوئے، دہشت گردی کا ناسور ختم کرنے کے لیے ہمارا عزم پختہ ہے، دہشت گردی کی جنگ میں ہمارے 80 ہزار افراد شہید ہوئے، اس جنگ میں ہمارے ملک کا تین ارب ڈالر کا نقصان ہوا۔
انہوں نے کہا کہ ہم نے 2016 میں دہشت گردی کا خاتمہ کردیا تھا مگر بدقسمتی سے دہشت گردی کے ناسور نے دوبارہ قدم اٹھایا ہے ہم نے طے کرلیا ہے کہ دہشت گردی کے خاتمے تک چین سے نہیں بیٹھیں گے، ہمارے افسران و جوان عوام کے محفوظ مستقبل کے لیے جانیں دے رہے ہیں۔
وزیراعظم نے کہا کہ پاک بحریہ ہر طرح کے چینلجز سے نمٹنے کی صلاحیت رکھتی ہے، پاک بحریہ کے افسر اور جوان سمندری حدود کا تحفظ یقینی بنارہے ہیں، پاک بحریہ سمندری وسائل سے استفادہ کیلیے اقدامات کررہی ہے۔
انہوں نے کہا کہ موجودہ دور میں بلیو اکانومی کو مرکزی حیثیت حاصل ہے، بلیو اکانومی سے پاکستان کی ترقی اور خوشحالی اور ممکن ہے، دوست ملک چین بحری شعبہ میں تعاون فراہم کرنے کے لیے تیار ہے گوادر بندرگاہ مرکزی حیثیت رکھتی ہے۔
وزیراعظم نے مزید کہا کہ پاکستان نیشنل شپنگ کارپوریشن کی صورتحال پر توجہ دینی ہوگی، کراچی پورٹ ٹرسٹ کا کام رئیل اسٹیٹ نہیں بلکہ کاروبار کی سہولت دینا ہے۔
